Thursday, September 4, 2014

તમે ચમચીની જગ્યાએ હાથથી જમો છો? તો આટલું ચોક્કસથી વાંચો

તમે ચમચીની જગ્યાએ હાથથી જમો છો? તો આટલું ચોક્કસથી વાંચો
 
 
અમદાવાદ, 23 ઓગસ્ટ
 
હાલના આધુનિક સમયમાં બહુ ઓછા લોકો હાથથી જમવાનું પસંદ કરે છે. જુના સમયના લોકો મોટા ભાગે હાથથી જ જમવાનો આગ્રહ રાખતા હતાં અને તેના ફાયદા પણ ઘણાં છે. પરંતુ આજના યંગસ્ટર્સ ચમચીથી જમવાનું વધારે પસંદ કરે છે. આપણાં દેશમાં પારંપરિક દેશી ખાવાનું લોકો હાથથી જમવાનું વધારે પસંદ કરે છે. આપણાં ત્યાં માનવામાં આવે છે કે હાથથી જમવાના કારણે વ્યક્તિને માનસિક શાંતી મળે છે.

હાથથી જમવાના કારણે ગેસ્ટ્રિક જ્યુસ બને છે
નિષ્ણાતોના જણાવ્યા પ્રમાણે આપણે જ્યારે ચમચીથી જમીએ છીએ ત્યારે આપણને ખ્યાલ નથી આવતો કે દાળ-શાક કાચા છે કે ચઢી ગયેલા છે. અથવા તે ઠંડા છે કે ગરમ. પરંતુ જ્યારે આપણે હાથથી જમવાનું શરૂ કરીએ છીએ ત્યારે આપણને જમવાનો અહેસાસ થાય છે અને આ કારણે મગજથી પેટ અને આંતરડાને ગેસ્ટ્રીક જ્યુસ બનાવવાના સંકેત મળે છે. આપણાં પાચનમાં ગેસ્ટ્રીક જ્યુસ સારી રીતે બને તો શરીરમાં પાચન ક્રિયા સારી રીતે થાય છે અને શરીરને પોષક તત્વો પણ મળે છે. જો શરીરમાં પાચન ક્રિયા બરાબર ના થાય તો ગેસ, કબજિયાત અને એસીડિટીની મુશ્કેલીઓ વધે છે.

હિન્દુ ધર્મની માન્યતા
આપણું શરીર વાયુ, અગ્નિ, જળ, આકાશ અને પૃથ્વીથી બન્યું છે. હાથોની આગંળીઓ આ તત્વોનું પ્રતીનીધિત્વ કરે છે. જ્યારે આ પાંચ તત્વોના માધ્યમથી ભોજન લેવામાં આવે છે ત્યારે તે આપણાં શરીરને નીરોગી બનાવે છે.

ચમચી પછી હાથથી જમવું
જ્યારે કોઈ વ્યક્તિ બહુલાંબા સમયથી ચમચીથી ખાય છે અને ત્યાર પછી અચાનક હાથથી જમવાનું શરૂ કરવામાં આવે તો તેને પેટ સંબંધી અથવા આંતરડામાં ઈન્ફેક્શન થવાની શક્યતા રહે છે. કારણકે આવી વ્યક્તિના શરીરમાં સામાન્ય ફ્લોરાનું સંતુલન બગડી જતું હોય છે.

સાવધાની જરૂરી
જમતા પહેલા હાથ સારી રીતે ધોવા ખૂબ જ જરૂરી છે. જો તમારી હાથથી જમવાની ટેવ હોય તો તમારા નખ કાપેલા હોવા જોઈએ અને તમને સ્કીન આધારિત કોઈ પ્રોબ્લેમ પણ ના હોવો જોઈએ. જો તમને કોઈ સ્કીન આધારિત કોઈ એલર્જી હોય તો તમારે હાથથી ના જમવુ જોઈએ.
Post a Comment